Les solicitúes alministratives amuésense d'una de les dos formes, como una páxina de resume, o como una páxina con detalles. La páxina col sumariu contién solicitúes d'alta o baxa pendientes, unvíos a la llista que tán reteníos fasta que seyan aprobaos, agrupaos per direición de remitente. La páxina con los detalles contién una vista más detallada de cada ún de los mensaxes reteníos, xunto coles cabeceres del mensax y un estrautu del cuerpu del mesmu.

En cualesquier d'estes páxines tán disponibles les siguientes aiciones:

Diferir -- Pospón la decisión pa más sero. Nun s'aplica denguna aición agora pa esta solicitú alministrativa pendiente, pero entá y too puede reunviar o preservar el mensax (lleer más abaxo).
Aprobar -- Aprobar el mensax, unviándolo a la llista. Pa les solicitúes de soscrición, aprobar les mesmes.
Refugar -- Refugar el mensax, unviando un mensax de refugu al remitente, y descartando'l mensax orixinal. Pa les solicitúes de soscrición, refuga les mesmes. En cualesquier casu, tendría de poner el motivu del refugu nel cuadru de testu axuntu.
Descartar -- Tirar el mensax orixinal, ensin mandar un mensax de refugu. Pa les solicitúes de soscrición, esto namái descarta la solicitú ensin avisar a la persona que fizo la solicitud. Esta opción úsase davezu col corréu non solicitáu o puxarra (spam).

Pa los mensaxes reteníos, activa la opción Preservar si quies atroxar una copia de los mensaxes pal alministrador del sirvidor. Esto ye útil p'aquellos mensaxes abusivos que quies descartar, pero que necesites atroxar un rexistru pa echá-y un güeyu dempués.

Activa la opción Redirixir a y enllena la direición correspondiente si quies reunviar el mensax a daquién que nun tea na llista. Pa editar un mensax reteníu enantes de que s'unvie a la llista, puedes reunviartelu a tí mesmu (o al propietariu de la llista), y descartar el mensax orixinal. Entós, cuando'l mensax s'amuese nel to buzón d'entrada, fai les tos correiciones y reunvíalu a la llista, incluyendo una testera Approved: cola clave de la llista como valor. Ye un bon vezu nesti casu, incluyir una nota nel mensax desplicando que modificasti'l testu.

Si'l remitente ye un soscritor que ta siendo moderáu, puedes llimpiar opcionalmente la so marca de moderación. Esto ye útil cuando la so llista ta configurada pa poner a los soscriptores nuevos en cuarentena y decide que puede confiar nesti soscriptor a la hora de mandar mensaxes a la llista ensin aprobación.

Si'l remitente nun ye un soscriptor de la llista, puedes amestar esta direición de corréu electrónicu al peñeráu de remitentes. El peñeráu de remitentes descríbese na páxina de peñeres de privacidá, y puede aceutase automáticamente, retenese automáticamente, refugase automáticamente o descartase automáticamente. Esta opción nun tará disponible si la direición yá ta nún de les peñeres de remitente.

Cuando tengas finao, da-y col mur al botón Unviar tolos datos del final de la páxina. Esti botón entregará toles aiciones esbillaes de les solicitúes alministratives pa les que tenda conseñao dalguna seleición.

Tornar pa la páxina colos sumarios.